一、鴨仔會聽令
大約三百年前，彼陣台灣猶咧予清朝統治，咱出了第一个皇帝，號做「朱一貴」。朱一貴人稱鴨母王，這就是伊的故事。
大約三百年前，彼陣台灣猶咧予清朝統治，咱出了第一个皇帝，號做「朱一貴」。朱一貴人稱鴨母王，這就是伊的故事。
朱一貴出生佇1690年，厝徛佇這馬的高雄內門，較早叫做羅漢內門，是一个山明水秀的好所在。朱一貴飼鴨仔為生，因為伊飼真濟鴨仔，而且逐隻攏飼甲肥朒朒，閣𠢕生卵，所以逐家攏叫伊「鴨母王」。
「鴨母王」朱一貴個性豪爽慷慨，佮伊有來往的人，真濟是對大陸過來的明朝遺民、志士、仁人、生理人、俠客，攏是伊的好朋友。因為伊的厝蹛佇偏僻的庄跤，離都市誠遠，無啥會惹人注目，所以厝內，定定予遮的人蹛落來。朱一貴嘛常在刣鴨備辦酒菜，佮談天說地，毋過見講著國事，逐家就悲傷目屎流，下願若有機會，就欲攑起義旗，拍倒清朝，恢復明朝。伊的人客雖然愈來愈濟，但因為伊經營的飼鴨行業非常出色，鴨仔雖然刣濟，鴨仔的數量卻一點兒也無減少。
南國的晚春，是一年內上清爽的時陣，尤其是早起，天氣特別秋凊。朱一貴這一工按照慣例，日頭拄對東爿山頭起來，他就攑著竹篙，「咻」一聲，對鴨寮趕出一大群的鴨母，穿過彎彎曲曲的小路，對二層行溪上游的岡山溪邊行去。來到溪邊，他閣「咻」的一聲，懸懸擛一下竹篙，遐的鴨母就一隻一隻撲通撲通跳入去溪仔內，等規群攏浮佇青翠的溪面，悠悠哉哉揣食後，伊才慢慢行到溪邊的大榕樹蔭，坐踮大石頭頂歇睏。
日頭漸漸懸，天氣也漸漸燒熱起來，赤焱的日頭共溪仔墘曝甲燒烘烘，悠悠的溪仔水，反射出來的日頭光閃爍鑿目。朱一貴毋知影啥物時陣就睏去矣，忽然間予一陣吵鬧的鳥仔聲叫醒。伊懶懶仔對腰身提出手巾仔，徛起來，行到溪邊，想欲洗一下面。當他跍好頭頕低，煞看著水面反映出一个從來毋捌看過的人影。上奇怪的是，這个人影頭戴通天冠，身穿黃龍袍，彼的打扮佮戲棚頂的戲仔一模一樣，根本就是前代明朝皇帝的翻版。伊掣一趒，緊越頭過去看，只是後壁並無啥物人。
「這就奇怪囉！」伊閣看，毋但皇帝打扮的人影猶佇咧，斟酌共看，面目煞真像家己。他開始迷惑起來，目睭挼挼咧，大力擘金，閣詳細共繩，煞愈看愈成。伊親像咧研究啥物，頭頕低低，佇遐繩規半晡。
「哦！對啦，這或者就是天意。」伊親像發現啥物仝款，恍然大悟。
「只是……」一个疑團瞬間爬上心頭，伊煞愣去，一觸仔久了後，伊才大力徛起來，叫一聲；「好！我就來試看覓。」
朱一貴共竹篙抾起來，對著踮溪內泅水的鴨群大力擛一下，大聲喝講：「眾鴨聽令，排做一排。」
溪內的鴨群好親像聽有伊的話，嘎嘎叫了一陣了後，就排做長長的一排，看對伊遐去。伊不覺大喜，又閣懸懸擛一下竹篙，叫講：「全部上岸，排做兩大隊。」
伊的話拄講完，鴨仔就紛紛泅向溪墘，誠有秩序，好親像經過軍事訓練仝款，搖著尻川尾，排做兩大隊。伊閣連紲發出幾道命令，鴨群一點仔嘛無拍折，一一按照伊的口令做甲好勢好勢。
「這莫非是天數，遮的精牲仔攏會聽我的命令。」他快活甲險險起痟。這一工暗時，伊為著這件代誌，規暝想東想西，攏無瞌目。
二、鴨母生雙卵
第二工，雞鵤仔喔喔啼過了後，東爿的天邊開始拍殕光，伊就翻身落床，照慣例，捾著籃子來鴨寮抾鴨卵。伊拄伸手摸對鴨的尾脽，就大聲叫起來：「咦！這就奇了。」原來尾脽下面有兩粒鴨卵。但是伊猶半信半疑，閣共生卵的鴨母逐隻攏反過來看覓，才知影確確實實，逐隻鴨母攏生兩粒卵。伊的心內更加歡喜，頭殼內馬上閣浮起「天意」兩字，喙角也不知不覺浮出了笑容。
朱一貴的鴨母生兩粒卵、鴨仔會聽伊發令排陣的消息傳出了後，庄仔內的百姓議論紛紛，逐家攏講伊是咧講白賊。「一貴是咧講酒話呢，一隻鴨母一工會生兩粒卵？騙痟仔！」「我活甲六、七十歲，猶毋捌聽過鴨仔會聽命令排隊、排陣咧。」
逐家初初攏無愛相信，有好玄的人就透早走來朱一貴的鴨寮，暗暗仔觀察伊的鴨母生卵的情形，果然，逐隻攏生兩粒卵。也閣有人偷偷仔覕佇溪仔邊樹後，看見伊發號施令，鴨母就排隊、排陣。自按呢，一傳十，十傳百，傳遍了規庄仔內，逐家攏暗暗懷疑：「伊恐驚毋是普通人。」「一貴一定是真命天子。」
朱一貴開始受著逐家的敬重，厝內的食客對當咧流傳的代誌，蓋有興趣，嘛真佩服伊，認為這是了不起的吉兆，想講起義的時機已經到，就開始四界去大歕而特歕。不遠千里而來的奇士、俠客也愈來愈濟，門下也更加鬧熱起來。
這時，清廷內政漸漸變䆀，台灣愈䆀，官僚無顧著老百姓的痛苦，民眾心內開始懷念明朝。到了1721年（康熙六十年）的春天，因為納稅問題，民眾久年來的不滿終於爆發出來，數百名的縣民聚集踮羅漢內門，來勸朱一貴起事。朱一貴看時機已經成熟，千載難逢的機會就是這馬，就對說：「我本來就是姓朱，是明朝的後代，咱若用這个關係來號召逐家來光復明朝的天下，來歸投的人一定愈濟。」
這一冬的四月十九，附近的民眾千外人，奉朱一貴做盟主，排起香案，焚表結盟，一枝大紅旗，寫著「朱大元帥」的字樣，刣豬屠牛，大宴眾人。彼工暗時，朱一貴就發動人馬，攻陷岡山。臺南府的清兵接著消息，雖然派出幾擺大兵圍剿，甚至動員土番去徵討，毋過攏毋是的對手，全部敗退轉去。各地的志士開始紛紛響應，朱一貴的軍事進展因此更加快速，無到一月日，勢力就遍及全台，到月底，台灣南部就完全落佇的手頭。
三、鴨母王稱帝
五月初，南部的台灣，草樹青翠，花蕊豔麗。大自然遮爾可愛，毋過逐个角落卻是充滿著緊張的戰雲。
朱一貴趁著連戰連勝的威風，親自率領大軍，直衝臺南府城。的隊伍整齊，精神飽滿，有大破臺南府城的氣勢。
大軍來到臺南府附近的春牛埔時，發覺這搭哪佮別位無啥，恬喌喌攏無人煙，朱一貴煞膽嚇著，停跤毋敢前進。忽然間，遠遠響起一聲鑼鼓，伊著一驚，趕緊派人去探聽，才知影原來是離這搭里外遠的大埔，搭戲棚當咧演戲，附近的老百姓攏佇遐看戲，鬧熱滾滾，所以這搭甲特別冷冷清清。朱一貴心內有淡薄仔憢疑，恐驚是敵人的計謀，猶是毋敢輕進，躊躇一陣後，才命炮手向天開炮。
轟隆隆！這个突如其來的炮仔聲，撼動大地。聚集佇戲棚跤看戲看甲出神的老百姓，逐个攏驚一大趒，對夢中清醒。一越頭看著炮聲響起的彼爿，滿山遍野攏是武裝人馬，頭前一枝「朱大元帥」的旗仔。「哇！害仔!」「逃命喔!」一陣亂操操的喝聲了後，一目𥍉仔，戲棚頂的演員佮戲棚跤看戲的百姓攏走甲空空。
朱一貴轟了大炮，下令繼續前進，來到戲棚邊，看著拄才猶佇使用的戲服、冠帽、槍、刀，擲甲一四界，不知不覺「嗤」一聲笑起來。「哦！彼毋是……」，原來佇戲棚後台的架仔頂，囥著一頂皇帝的通天冠佮一領黃龍袍，朱一貴看一下，閣想起年前的溪水頂面，看著家己的水影，所穿的佮這完全仝款。
朱一貴目睭繩一站後，才對架仔頂共提起來試穿，通天冠戴好，黃龍袍穿好，閣詳細觀看一陣，感覺真得意，真正佮明代的帝王一模一樣。伊隨後越頭共綴佇後面的部下講：「恁逐家攏倚過來，按照官階等級，來穿官服!」一、二十箱所貯的戲服戲冠，一目𥍉仔就予提了了。
大軍繼續向市區進發，這時臺南府的守兵、大小官員佮衙役，早就聽著朱一貴進擊的消息，走甲空空，店舖、徛家為著預防萬一，嘛攏關門閂戶。朱一貴的大軍戰旗飄飄，戰鼓咚咚，若入無人之境。百姓有較膽大的、想欲欣賞朱一貴風采的，干焦敢對門縫偷看。
朱一貴的大軍進人時，軍紀嚴明，禁止攪擾老百姓，所以街仔誠平靜。只看著大軍過後，有一个頭戴通天冠、身穿黃龍袍、腳踏草鞋、相貌堂堂的人，騎一隻厚重的水牛，由真濟若戲仔打扮的人前後扶挺咧，後面閣綴著一枝大旗。後來逐家才知道，彼就是朱一貴𤆬的軍隊。
朱一貴占領臺南府了後，就共道台衙當做本部，發出一道一道的命令，安排部署。無偌久，北部佮逐位的反清復明志士攏接著這个消息，就連紲響應起來。無幾工的工夫，規个台灣就予朱一貴統一起來。朱一貴的部下看臺灣已經完全控制落來，為著利便日後的管理，就協議請朱一貴登皇帝位。
五月十一這一工是黃道吉日，適合登基大典。就踮道台衙新起一个天壇。朱一貴頭戴通天冠，身穿黃龍袍，腰束白玉帶，正式登基做皇帝，定國號為「大明」，建元「永和」，稱做「中興王」，接受民眾的祝賀，祭告天地列祖列宗佮延平郡王鄭成功。又閣遵照明朝的制度，大赦天下，大封群臣。受封的大臣、將軍因為一時袂赴做明朝樣式的服裝，就穿做戲的衣帽，揣袂著戲服的，就用青紅的綢布包踮頭殼，披桌斤準算。儀式完畢後，朱一貴就發出公告，說明起義的目的是欲拍倒清朝恢復明朝。
朱一貴登基這工，代表著台灣回到漢人的天下，府城的老百姓歡天喜地，想講從此毋袂閣受外族統治，予人濫糝抾稅囉。家家戶戶點燈結彩，街頭巷尾鬧熱滾滾。入暗後，全府猶是燈火通明，光甲若像一个不夜城，男女老幼鬧熱甲三更半暝才入眠。
四、三工天下
朱一貴統一臺灣無偌久，清政府看情形嚴重，就派南澳鎮總兵藍廷珍佮水師提督施世驃𤆬一萬七千的計程車兵，船隻六百外隻，對大陸進攻台灣。這个藍廷珍是一个通曉兵法的名將，當大軍出發的時候，他交代各船的主將一張批，吩咐袂到半途，絕對袂使拆開。
各船分路乘風破浪，向目的地猛進。到了半途，各主將遵照命令拆開藍廷珍交落來的批一看，紙頂干焦寫著「全攻鹿耳門」五字，各船就不約而同轉向鹿耳門前進。現在臺南地方猶流傳「全攻鹿耳門」這句俗語，聽講就是對這个時陣流傳下來的。
清政府派藍廷珍攻打台灣的消息傳到了後，朱一貴早就調兵遣將守備逐个要點，但是鹿耳門的港口並無特別戒備。六月十六，突然間清軍傾全力進攻鹿耳門，只經過幾場血戰就被攻陷，紲落來安平也失陷。
朱一貴的軍隊予這个失敗拍甲士氣齊失，加上內部發生糾紛，無偌久伊只好率領守軍對臺南府向北爿的諸羅方向敗退，臺南府佇的手中才十幾工就閣交還予清軍。後來朱一貴連戰連敗，到了月眉潭時，部下攏走欲空矣，干焦賰千外人，糧食也真缺乏。
月眉潭附近的溝仔尾庄，楊雄、楊旭、王仁和、楊石等人早就共清軍密通，答應欲活掠朱一貴，閣暗約各庄的壯丁來相助。閏六月初五，楊雄假好心，邀請朱一貴來溝仔尾庄，刣牛備酒款待。欲暗的時，突然間天落大雨，塗跤攏積水。「雨落遮爾粗，欲按怎駐營？」朱一貴有一點擔心，目頭結結問。「無問題，共軍隊分開蹛民家就會使」楊雄設法留蹛落來。
朱一貴無辦法，只好照按呢吩咐部下。楊雄猶假意派真濟壯丁來保護伊，一方面叫人暗中共水灌入去朱一貴部下所帶的槍、炮等武器內。到了三更半夜，「刣啊！刣反賊啊!」，「共逆賊捆縛起來!」，朱一貴佇喝喊聲中驚醒過來的時，已經予人絚絚縛牢咧。
朱一貴予人裝踮牛車內，送到清軍軍營。藍廷珍親自審問，伊真平靜，一點仔都無驚惶。藍廷珍看伊徛在在，就叫伊跪落，伊毋但不從，閣共藍廷珍睨，反罵講：「我是大明的臣子，興師復國，恁是堂堂大丈夫，竟然甘心認敵做主，敢袂見笑？」
藍廷珍聽了大怒，命人撼朱一貴的跤，共伊撼甲徛袂起來。後來伊被押送到京城處死。這時的朱一貴才三十三歲爾爾。
台灣史上，鴨母王朱一貴只「做三工的皇帝」，第一擺的反清復明的運動也按呢結束。後來，台灣流行著一首俗語歌，就是咧講一層像瓊花仝款，短短的三工天下：
沒有留言:
張貼留言